الفنان: توفيق الذقن
فيلم: الشيطان يعظ
نكتة قلها توفيق الدقن في فيلم الشيطان يعظ من سنين طويلة، وماكانش يعرف إنه بيوصف حالنا دلوقتي في شوارع مصر. للأسف أخلاقنا اتغيرت.. وبقي أغلبنا بتتخانق مع بعضه علي أسباب هايفة وماتستاهلش خناق. وإحترامنا لبعض بقي في النازل.. بقينا نسمع عن حاجات جديدة بتحصل زي التحرش والتثبيت و سرقة العربيات في النهار من أصحابها.. لدرجة إن اللي كنا بنتفرج عليه في الأفلام وإحنا مفنجلين عنينا وفاتحين بقنا بقى بيحصل في الكنبة اللي ورانا في الأتوبيس.. مش كانوا بيقولو مصر بلد الأمن و الأمان؟ وكنا نسهر لوش الصبح في شوارعها من غير خوف؟ امتي بقي هترجع الأيام الحلوة دي؟! امتى نرجع تاني نتفرج على الأفلام ونقول لولادنا ده مش حقيقي.. ده في الفيلم بس!!
No comments:
Post a Comment