ليه جوانا الحاجة وعكسها؟ لية زهقانين م الدنيا وتعبانين منها.. بس في نفس الوقت مش عاوزين نسيبها ..غريبة.. مش كده؟!
ولما تسأل حد عامل إية يقولك آهي ماشية.. مع إنه ممكن يكون مبسوط بس خايف تمسكها عليه عشان هو مبسوط انهاردة..بس مش متأكد إنه هيفضل كده لغاية بكره.. أو حتى كمان ساعة من دلوقتي..وممكن يكون تعبان قوي.. بس عارف إنه في آخر اليوم هتفرج.. زي ما حصل امبارح وأول امبارح وأول وأول...
ياترى نقدر نقول ع الدنيا حلوة أو وحشة.. ولا هي كلها على بعض ليها طعم تاني؟!!
الوقت الصعب بتهونه لمة الأصحاب.. والحزن تغلبه تهريجة مع جار قديم..إحنا أحسن ناس نضحك وسط الهم اللى إحنا فيه.. ونتريق على غلبنا وبهدلة الدنيا لينا ونفتكر جملة فيلم الكيف : "أنت جاى تعزى ولا جاى تهرج .....لا أنا جاى أهرج.." .
الحقيقة إننا مخلوقات مميزة..جوانا أحلى حاجة فى الدنيا وهى الحاجة وعكسها.. هاهاها.
سامح جندى
ولما تسأل حد عامل إية يقولك آهي ماشية.. مع إنه ممكن يكون مبسوط بس خايف تمسكها عليه عشان هو مبسوط انهاردة..بس مش متأكد إنه هيفضل كده لغاية بكره.. أو حتى كمان ساعة من دلوقتي..وممكن يكون تعبان قوي.. بس عارف إنه في آخر اليوم هتفرج.. زي ما حصل امبارح وأول امبارح وأول وأول...
ياترى نقدر نقول ع الدنيا حلوة أو وحشة.. ولا هي كلها على بعض ليها طعم تاني؟!!
الوقت الصعب بتهونه لمة الأصحاب.. والحزن تغلبه تهريجة مع جار قديم..إحنا أحسن ناس نضحك وسط الهم اللى إحنا فيه.. ونتريق على غلبنا وبهدلة الدنيا لينا ونفتكر جملة فيلم الكيف : "أنت جاى تعزى ولا جاى تهرج .....لا أنا جاى أهرج.." .
الحقيقة إننا مخلوقات مميزة..جوانا أحلى حاجة فى الدنيا وهى الحاجة وعكسها.. هاهاها.
سامح جندى
No comments:
Post a Comment